Үзәк директоры Марат Әхмәров ТР АПП киңәйтелгән утырышында катнашты
Үзәк директоры Марат Әхмәров ТР АПП киңәйтелгән утырышында катнашты.
Утырышта Татарстан Республикасы Премьер-министры урынбасары - Татарстан Республикасы сәнәгать һәм сәүдә министры А.Ә. Кәримов, Татарстан Республикасы Премьер-министры урынбасары Р.Ә. Шәйхетдинов, Татарстан Республикасы икътисад министрының беренче урынбасары О.В.Пелевин катнашты. Утырышны ТР АПП генераль директоры А.М.Пахомов алып барды.
ТР АПП әгъзалары ТР АПП эшчәнлеге турында фикер алыштылар, 2021 елда ТР АПП эшчәнлеге турында хисап, 2021 елда финанс-хуҗалык эшчәнлеге турында хисап һәм 2022 елга ТР АПП эш планы расланды.
А.Ә. Кәримов республика икътисадындагы эшләрнең торышы, узган елда сәнәгать эшенең нәтиҗәләре һәм 2022 елга бурычлар турында мәгълүмат бирде.
Р.Ә. Шәйхетдинов үз чыгышында республика сәнәгать предприятиеләрен цифрлы трансформацияләү мәсьәләләренә тукталды, Иннополис Университеты базасында Индустрия компетенцияләр үзәген төзү планнары турында мәгълүмат бирде. Аннары Р.Ә. Шәйхетдинов сүзне Иннополис университеты проректоры И.И. Бариевка тапшырды, ул Университетның тиешле эшчәнлеге, республика предприятиеләре белән хезмәттәшлекне активлаштыру буенча тәкъдимнәр турында хәбәр итте.
О.В.Пелевин сәнәгать предприятиеләре белән кече һәм урта бизнес җитештерү предприятиеләренең хезмәттәшлек мөмкинлекләре турында мәгълүмат белән чыгыш ясады.
Предприятиеләрнең 2021 елдагы эшчәнлеге нәтиҗәләре һәм 2022 елга бурычлары турындагы, шулай ук Татарстан Республикасы Сәнәгать һәм сәүдә министрлыгының һәм Татарстан Республикасы Икътисад министрлыгының алдагы коллегияләрендә карау мөмкинлеге булган проблемалы мәсьәләләр турындагы мәгълүмат белән: Дьячков В.В. - «АйСиЭл - КПО ВС» АҖ Директорлар советы рәисе; Ибраһимов Е.Р. - «В.Б.Шнепп исемендәге НИИтурбокомпрессор» АҖ генераль директоры; Пелипенко Р.В. - «Казан дәүләт казна дары заводы» ФКП генераль директоры урынбасары.